Саяхнаас өөрийн гэсэн блогтой болоё гэж бодоод байгаа юм л даа. Зүгээр л өөрт тохиолдсон, бодсон, мартахыг хүсээгүй, тэмдэглэхийг хүссэн, дурсамж болгон үлдээмээр санагдсан, өөрөө өөртөө хэлэхийг хүссэн, ойрын, холын, маргаашийн төлөвлөгөө тэр бүхнээ өөртөө зориулж бичмээр санагдаад. Зүгээр л юу ч тэмдэглэхгүй хийхгүй, цаг хугацааг үл тоон явахыг хүссэнгүй, нэг л мэдэхэд долоо хоног, зургаан сар, нэг жил, хоёр жил гээд л цаг хугацаа маш хурдан өнгөрж байна. Өнгөрсөн хойно нь юу хийснээ санахыг хичээхэд таньд тун бага мэдээлэл орж ирнэ. Эсвэл дараа нэг тэгж байж билээ гэсэн бодол орж ирнэ. Эсвэл хэзээ нэгэн цагт гэнэт ухаарж ямар нэгэн санаа төрснөө тэр чигт нь мартаж орхиод дараа нь гэнэт санаад тэр үедээ хийж байхгүй яав даа гэж харамсах сэтгэл их төрдөг. Тийм болохоор тэмдэглээд явахыг хүссэн. Харин өөрийн гэсэн блогтой болох эсэх талаар бодоод шийдвэрт нь энэ блог дээрээ л үргэлжлүүлээд өөрийнхөө юмыг бичээд байя гэж бодлоо. Хүмүүс ч нэг үеийг бодвол нэг их орж ирэхээ ч больж, тийм болохоор эсэргүүцэхгүй биз дээ гэж бодлоо л доо. Аль болох ойр ойрхон тэмдэглэж байхыг бодно.
No comments:
Post a Comment