Хэн хаагуур ямар юмаа хийгээд яваад байна аа 2.

Зиа тэгэхээр энэ бичлэгийн нэгдүгээрх нь 5 жилийн өмнө буюу 2011 оны 2 сарын 20нд энд бичигдэж байжээ. Одоо эргээр харахад бүх хүний одоо хаагуур ямар юмаа хийгээд яваад байна гэдэг нь маш ихээр өөрчлөгджээ. Бүр маш ихээр шүү. 

Би бас одоо 2-3ынхныхаа шинэчилсэн бүртгэл буюу хэн, хаагуур, ямар юмаа хийгээд яваад байна вэ гэдгийг эрэн сурвалжилахаар шийдлээ л дээ. Та нарт ч гэсэн сонирхолтой байгаа байхаа л гэж бодож байна. Гэхдээ энэ нүүрний ном буюу facebook гэсэн юм дэлхий нийтээр маш эрчтэй хүчээ авж буй энэ цагт хэн хаагуур ямар юмаа хийгээд яваад байгааг мэдэхэд ердөө л нээрээ амархан болж дээ. Гэхдээ блог дээрээ гоё бичнээ. Нэрний үсгийн дарааллаар явнаа хө.


1.Анхбаяр - 

Өмнө: 3-1 төгсөгч. Японд бидний нэрлэж заншсанаар риюү гээр яваад шалгалтуудаа өгөөд явж байгаа. Ямар ч гэсэн зун уулзна. 
Одоо: Анхаа маань амжилттайгаар шалгалтандаа тэнцээд Шиншү их сургууль тэтгэлэгтэйгээр элсээд зогсохгүй эдийн засгийн мэргэжилээр 2015 оны 4 сард сургуулиа амжилттайгаар төгссөн байгаа. 5 жилийн өмнө хэний ч төсөөлөхөөргүй байсан сонин нь гэвэл Анхаа маань 2-2 дараа нь 3-1 ангид байсан Золзаяатай арлын Япон оронд очиж хайр сэтгэлтэй болж хосууд маань ханилан жаргасан шүү дээ. Одоо Золоо Анхаа хоёр маань хамтдаа Америкийн Илланой мужийн Чикаго хотод англи хэлийг хашраахаар суралцаж байгаа. Миний бие тэр хоёртойгоо 2016 оныг Чикагод хамтдаа угтах завшаан тохиосонд туйлын ихээр баяртай байгаа билээ. Надад лав тэр хоёр маань хамгийн сайхан хос.

2.Ариунболор - 

Өмнө:3-1 төгсөгч. МУИС ийн Япон хэлний анги. Сүүлийн үеийн мэдээгээр намар америк явна. Мөн баяртайгаар дуулгахад намар бас хуримаа хийнэ гэсэн. ( баттай эх сурвалж буюу Ариука аас)
Одоо: Зиа комментоос харахад энэ мэдээ их сонирхолтой байсан нь харагдаж байна. Гэхдээ энэ мэдээ үнэхээр үнэний ортой байсан уу гэдгийг би өөрөө гайхаж сууна. Ариукагаас өөрөөс нь сонссон болоод л би бодвол энд бичсэн байх. 
Ариука маань Америкт архитектурын мэргэжлээр суралцаж төгсөөд одоо монголдоо мэргэжлээрээ ажиллаж байгаа. 

3.Адьяасүрэн - 
Өмнө: 3-2 төгсөгч. Дэлхийн нийслэл шахуу болоод байгаа Шанхай хотноо Хятад хэл үзээд, олонтойгоо нийлээд л явж байгаа даа. Саяхан амралтаараа эх орондоо ирээд нэлээдгүй хугацаанд байж байгаад буцсан байна.
Одоо: Facebook ээс нь харахад Shanghai Polytechnic University д суралжаж байгаа юм байна.

4.Биндэрьяа - 
Өмнө: 3-1 төгсөгч. МУИС-ОУХ д сурдаг. Их сургуулийн ангийнхантайгаа бүр амь гэсэээн цаа чинь. Туялзаад л , гунхаад л яваад байгаа шүү дээ манай Бинди чинь.
Одоо: Биндэръяа маань 2-4 т байсан Булган Буга тай гэр бүл болж хөөрхөн хүүтэй болсон шүү дээ. Зөндөө том болсон байхаа хүү нь. Уулзаж харах юмсан.

5.Баярмаа -
Өмнө: 3-2 төгсөгч. Сагсчин охин маань .....д сурж байгаа. ...
Одоо: Тайванд TransWorld University д суралцаж байгаа гэсэн мэдээллийг фэйсбүүкээс нь авлаа. Үеэл эгчтэй нь би энд танилцаж найз болсон. Монгол жижигхэн шүү л гээд байгаа шүү. 

6.Бямбасүрэн - 
Өмнө: 2-3 төгсөгч. Харцага маань MIU д сурж байгаа. 2р курс.
Одоо: Бямбаа маань Австралид University of Canberra д суралцаж байгаа юм байна.

7.Буяннэмэх -
Өмнө: 3-1 төгсөгч. МУИС ЭЗС д сурж байгаа ч юм шиг . Блогоо хөтлөөд ч байгаам шиг. 
Одоо: Америкийн Массачусеттс мужид байх Маунт Холёк их сургуульд 2011 оны намар элсэж статистикийн мэргэжил болон компьютерийн дагалдах мэргэжлээр 2015 оны 5 сард төгссөн. Олон хүмүүс намайг эдийн засаг сураад яваад байгаа гэж бодож асуудаг. Үгүй юмаа. Одоо болохоор Массачусеттсын их сургуульд Industrial Engineering ийн докторын зэрэгт суралцаж л байна даа. Юу судлах гээд байгаан гэхээр халдварт өвчин болон хорт хавдрын математик загварчлал. За тэгээд завтай ч юм шиг завгүй ч юм шиг л хүн байна. Блогоо хөтлөөд ч байгаа юм шиг.

8.Галбадрах - 3-1 төгсөгч. Манай Галаа чинь ярьсан хэлсэндээ эзэн болдог залуу. Одоо Японы Осака хотноо өөрийн хүсэл мөрөөдлийнхөө дагуу агуу гоё амттай сайхан хоол хийж суралцан байгаа. Ирээдүйд дэлхийд нэртэй Монгол ресторантай мундаг тогооч болноо.

9.Гэрэл - 
Өмнө: 3-2 төгсөгч. Японд бидний нэрлэж заншсанаар риюү гээр яваад шалгалтуудаа өгөөд хариу дуулгаад баярлуулаад л явж байгаа. Зун уулзнаа...
Одоо: Гэрлээ маань Галаа багшийн төгссөн сургууль болох Ямагата их сургуулийг дунд сургуульд байхаасаа л хашраадаг байсан химийн чиглэлээрээ суралцаж 2015 оны 4 сард баклаврын дипломоо гардан авсан. Одоогоор Токиогийн технологийн институтэд мэргэжлээрээ мастерт суралцаж байна. Шинжлэх ухааныг судлаад л байхаас өөр яахав. Уулзалгүй 5 жил болжээ. Уулзах юм сан. 

10.Дарьсүрэн - 3-2 төгсөгч. Зиа манай Дариа маань ......... д сурж байгаа...

11.Мандах - 
Өмнө: 2-3 төгсөгч. Мандуу хүү маань ШУТИС-МИС д сурж байгаад саяхан Япон орныг зорьсон. Одоо Японы Осака хотноо хэлний бэлтгэлд сууж байгаа бөгөөд төгсөөд мэргэжилээрээ тэндээ суралцаж агуу том нисэх онгоцыг жолоодно эсвэл бүтээнэ дээ манай залуу чинь. Олон жилийн мөрөөдөл, хүслээ биелүүлэн японд суралцах ямар байдаг юм бэ гэдгийг биеэр мэдрэн сууж байгаа. 
Одоо: Энэ хүнтэй харьцангүй холбоотой байдаг ч ямар сургуульд сураад хэзээ төгсөөд одоо яг хаана юу хийж байгааг нь сайн мэдэхгүй байх юм. Осакад суралцаад сургуулий энэ хавар төгснө байх. Ямар ч гэсэн мэргэжлээрээ суралцахын хажуугаар ажиллаж байгаа бөгөөд төгсөөд ажиллах ажлын урилгаа хүртэл авсан мундаг залуу.

12.Мөнгөнцэцэг - 2-3 төгсөгч. Ангийнхнаасаа гадаад улсруу яван суралцагчдын анхдагчдын нэг болох Мөөнөө маань одоо АНУ ийн Калифорни мужид roseville хэмээх хотод амьдарж байгаа бөгөөд өнгөрсөн жил ахлах сургуулиа төгссөн болов уу гэж бодож байна. 

13.Нансалмаа- 3-2 төгсөгч. Ухаалаг хөөрхөн Нансаа маань МУИС ийн Биологийн факултетд суралцаж байгаад монбушё ийн коллежд тэнцсэн гэсэн баяртай мэдээг бид бүхэндээ дуулгасан байгаа. Одоо төрсөн нутагтаа амарж байгаа сурагтай. 

14.Нямсүрэн - 3-2 төгсөгч. Манай Нямка маань МУИС ийн хими, биологитой холбоотой ангид сурж байгаа бөгөөд цаашид ч үргэлжлүүлэн хими биологиороо сурна гэсэн байгаа. Гэхдээ Монголдуу үгүй юу?

15.Намуун -
Өмнө: 3-1 төгсөгч. Манай Намжак 3р ангидаа аюултай хичээллэсний үр дүнд өдгөө Монбушёгийн Нийгмийн ухааны их сургуулиар тэнцээд бэлтгэлээ базаан сууж буй. Би болоод манай 3-1 ийнхэн түүний өмнөөс туйлын их баярлаж байгаа билээ. Манайх л лав нормоо биелүүлсэн хэхэ. Намуунаа маань Осакад хуваарилагдсан сурагтай байна лээ. 
Одоо: Японд байтугай дэлхийд эдийн засгийн чиглэрээрээ дээгүүр зогсон Хитоцүбаши их сургуульд суралцаж байгаа. Өнгөрсөн онд хөөрхөн хүүтэй болсон байна лээ. Намуунтайгаа уулзаж хөөрхөн хүүг нь бас хармаар л байна.

16.Тэмүлүн -
Өмнө: 2-3 төгсөгч. Тэмка маань АНУ д 1 жил суралцаж ирээд одоо МУИС ийн япон хэлний ангид суралцаж байгаа бөгөөд мөн 4сард япон явж суралцах гэж буй. 
Одоо: Японд Ritsumeikan Asai Pacific University амжилттай суралцаж төгсөөд одоо Хас Банкинд ажиллаж байгаа юм байнаа. 

17.Түмэнбаяр - 2-3 төгсөгч. Орсын архаг оюутан. Санкт-Петербург хотноо цэргийн анагаахд суралцаж байгаа. цаад чинь бол аймаар юм шиг байгаам. харалгүй уджээ.

18.Мөнхсаруул - 2-3 төгсөгч. СЭЗДС ийн 2р курсын оюутан.

19.Сайханцэцэг- 2-3 төгсөгч. Хүмүүлэгийн Их Сургуулийн 2р курсын оюутан.

20.Түвшинсанаа - 2-3 төгсөгч. ЭМШИУС ийн 2р курсын оюутан. Блогийн админ шт уг нь.

21.Цэнгэл - 
Өмнө: 2-3 төгсөгч. МУИС ОУХ 2р курсын оюутан охин маань ойрын үед юу бужигнуулаад л тас тас инээгээд явж байгаан бол доо? Шинэ жилийг ангиараа тэмэглэе гэсэн сайхан уриалга гараад гэртээ party зохион байгуулж гоё хийсэн байна лээ. 
Одоо: Түвшинсанаа, Цэнгэл хоёрын нэр ингээр журнал дээр дарааллаад байдаг байсан болов уу? Ангийн ганц сайхан хосууд шүү дээ. Найзаа найзаа гэж яваад аятайхан хөөрхөн хос болчихсон байж шүү.

22.Цогзол - 3-1 төгсөгч. МУИС МКС оюутан. Намар эдний баг МУИС ийн аварга болоод байсан. Хаа ч сагсаар бол гаргаахгүй шүү манай хүн чинь. 

23.Сосорбарам - 3-2 төгсөгч. ХААИС ийн эдийн засгаар сурж байгаа ...

24.Солонго - 2-3 төгсөгч. ШУТИС дизайны ангид 2 дах жилдээ суралцаж байгаа...

25.Сувд-Эрдэнэ.Б - 2-3 төгсөгч. МУИС биологийн ангийн 1р курсын оюутан . Жижгэн ЛИЛ маань тэгээд facebook нтрдээр байнга штээ хөөрхөн штээ...

26.Сувд-Эрдэнэ.О - 2-3 төгсөгч. Хэсэг хугацаанд японд хэлний бэлтгэлд суралцаж байгаад Монголдоо ирсэн байсан. Буцаад явна гэж байсан...

27.Сувданчимэг - 3-2 төгсөгч. Хүмүүнлэгийн их сургуулийн оюутан. Одоо тэрбээр TIU Д суралцах бэлтгэлээ базааж буй. 

28.Энхтүвшин - 3-2 төгсөгч. ШУТИС ийн уул уурхайн удирдлага хэмээх ангийн оюутан байнаа. Ирээдүйтэй л мэргэжил юм шиг сонсогдож байна одоогийн энэ хүмүүсийн ярьж байгаа юм нь л уул уурхай, газрын баялагаа мөнгө болгож биднууст өгнө нтр гээд л ээлжит сонгуулийн сурталчилгаагаа хийгээд байх юм байшт. Зөв хүмүүс нь зөв юм хийж байгаа байгаа даа. Мишкадаа амжилт хүсье. 
29.Энх-Амгалан - 3-2 төгсөгч. ШУТИС-МИС оюутан. 

30.Энхмөрөн -
Өмнө: 3-2 төгсөгч. ШУТИС-МИС д суралцаж байгаад одоогоор риюүгээр японд шалгалтуудаа өгөн, хариугаа хүлээн суугаа. Зун уулзах байлгүй дээ...
Одоо: Нагояагийн их сургуулийг нисэхийн инженер мэргэжлээр 2015 оны 4 сард төгсөөд одоогоор Америкт Мичиганы их сургуульд мэргэжлээрээ мастерийн зэрэгт суралцаж яваа залуу. Сонирхуулахад Мичиганы их сургуулийн нисэхийн инженерийн департмент нь дэлхийд энэ мэргэжлээрээ 3т ордог маш сайн сургууль юм. Сая өвөл Чикагод бас Нью Йорк уулзах гээд харамсалтай нь бид 2 нэг нэг хоногийн зөрүүтэй л зөрөлдөөд байсан. 

31.Энхбаатар - 3-1 төгсөгч. 3р ангидаа үнэхээр хичээсэн. хичээвэл ч болдог юм байна гэдгийг харуулж чадсаан Эбр, Тэрээр одоо риюүгээр шалгалтаа өгөөд, хариугаа хүлээгээд л сууж байгаа даа. Чимкагийнд амьдарж байгаа гэсэн хэхэ. 

32.Халиун.А - 2-3 төгсөгч. МУИС геологи, газарзүйн сургуулийн 2р курсын оюутан...

33.Уянга - 2-3 төгсөгч. Хүмүүнлэгийн их сургуулийн оюутан. Удахгүй гадагшаа урагшаа яван суралцах гэж буй...

34.Чимидлхам -
Өмнө: 3-1 төгсөгч. Чимка маань японы токио хотноо байрлах Оберин их сургуулийн 1р курсын оюутан. Мундаг сурж байгаа. Амьдралыг өөрөөр хардаг мэдэрдэг болсон, агуу эх оронч охин байгаам. Архаг оюутан болсон байна гэнэ лээ. 

Одоо: Чимка маань манай ангийн гадаадад сурагсдаас хамгийн түрүүнд эх орондоо ирж мэргэжлээрээ ажилласан мундаг охин байна. 2014 оны намар сургуулиа төгсөөд 2014 оны өвөл монголдоо ирж 2015 оноос эхлэн Засгийн Газрын Мэдээ сонинд сурвалжлагчаар амжилттай ажиллаж явна. Чимкатайгаа зун монголд уулзсан. Чимка маань нээрээ намайг 3р курсд байхад нээх гоё шоклад, чихэр бас нэг жижкэн хөөрхөн шилэн мэлхий шуудангаар явуулж билээ.

заа ингээд дууслаа. Илүү дэлгэрэнгүйг дараагийн дугаараас. Сүүлрүүгээ нөгөө үсгийн дараалал нтр алдагдсөөн. Нэрэн дээр нь дарвал ихэнх гишүүдийн facebook нь гарж ирнэ.

Толгойн доторх замбараагүй бодлууд

Мэдээж ажил, хичээлтэй холбоотой зүйлсийг хийж гүйцэтгэхээс гадна дотроо ийм юм хийх юмсан гэсэн юм мэр сэр толгойд бодогдоод өнгөрөх л юм. Одоогоор бодогдож байгаа зүйл гэвэл:

1. Хэн хаагуур ямар юмаа хийгээд яваад байна буланг идэвхитэй үргэлжлүүлэн бичиж ангийн нөхдийг сурвалжлан судалж бусадтайгаа холбох. Хэдийгээр фэйсбүүк гэгчээр хэний хаана юугаа хийгээд байгааг өнгөцхөн харж болох ч яг бид сайн мэдэхгүй шүү дээ.
2. Маш сонирхолтой уран зохиолын ном унших. Би амьдралдаа маш цөөхөн уран зохиолын ном уншиж үзсэн. Зөв номоо олж унших их чухал гэж боддог. Багадаа нэг хэрэггүй юм олж уншсан юмуу яасан юм бүү мэд, номыг юу гэж дотроо боддог болсон гэхээр дэлхийгээр дүүрэн номын сан, номын сангаар дүүрэн ном байдаг. Тэгээд тэр номнууд бол хэн нэгний л нэг өөрийн үзэл бодлоо бичсэн сургаал айлдсан юмс гэсэн бодол авчихсан юм шиг байгаан. Үнэн тэнэг. Гэхдээ яалт ч үгүй, хэрхэн баяжих вэ, хэрхэн найзтай болох вэ нтр гэсэн номнууд утгагүй санагддаг хэвээрээ. Харин уран зохиолын маш гоё ном зөндөө байдаг байх. Тэдгээрээс нь олж уншиж жаргалыг нь мэдрэхсэн. 
3. Ном бичих. Ном бол хэн нэгний л нэг үзэл бодол гэж дээр бичсэн мөртлөө өөрөө ном бичнэ гэж тэнэгтэж байгаад уучлаарай. Би болон найзуудтайгаа хамт Америкт хэрхэн тэтгэлэгтэйгээр суралцах вэ гэсэн ном 2014 онд хэвлүүлж гаргасан. Тэр нь гэхдээ баклаврын түвшинд байсан юм. Одоо харин би мастер, докторт яаж суралцах вэ гэсэн талаар бичих юм сан гэж бодоод л яваад байна. 
4. Өөрийн гэсэн гоё вэб хуудастай болох. Түүний өмнө гэхдээ олигтой хийсэн ажилтай болмоор байгаа юм. 
5. Америкт шинжлэх ухаан болон инженер чиглэлээр суралцаж ажиллагсдын бүлгэм байгуулж хэрэгтэй мэдээллээ хуваалцдаг болох. 
6. АМОХ ны гаргаж байсан энэ форумыг олонд илүү хүртээмжтэй болгох. 
7. Йогад явмаар байна
8. Өдөр болгон гүймээр байна
9. Лаг булчинлаг болох нь яахав гэхдээ гоё дасгал сайн хиймээр л байгаа. Одоо бол хоёр долоо хоногт нэг л удаа дасгал хийж байгааг ямар юмных нь дасгал хийж байгаа гэхэв тэ.
10. Эсвэл нэг спортоор л хичээллэмээр байна даа. 
11. Хөлөө эдгээх. Энэ их зүйлд садаа болж байгаа. Ээ дээ хүмүүс минь эрүүл саруул байх шиг жаргал хаана байнаа. 
12. Гоё бичдэг болох. Монголоороо эмх цэгцтэй ярьж, бичдэг болох

За ингээд 1р т бичигдснээр би ярилцлагаа авж эхэлдиймүү өнөөдрөөс. Надтай хамтарж ажиллах хүн байна уу?

Өөртөө шинэчлэл хий

Би дотроо өөрийгөө төсөөлөхдөө ийм юм ингэж хийвэл маш гоё юм даа гэж их бодох юм. Гэсэн ч тэгээд санаснаараа болохгүй юм. Сүүлийн үед надад тохиолдоод байгаа ядаргаатай гэмээр зүйл бол би завгүй юм шиг мөртлөө завтай байгаад байх юм. Өдөр өнгөрөхөд орой нь гараас гарсан юм юу ч байхгүй, тэгсэн мөртлөө бие хөшсөн ядарсан. Тэгээд л орой нь за маргааш яг будаа болгоод өгье гэж бодсон ч яг л хэвээрээ. Үнэн төвөгтэй. Өдрийн ихэнхийг ганцаараа өнгөрөөж байгаа болохоор тэгж байгаа юм болов уу ч гэж бодох шиг. Ер нь л ганцаараа өнгөрөөнө дөө. Бүр нэг ч үг нэг ч хүнтэй ярихгүй өнгөрөх өдөр ч байх юм.
Шинэ зүйл туршиж, шинээр гоё юм хийж өөрийгөө хөгжүүлэх юм сан гэж даанч бодох юм. Гэсэн ч өдөр хоног яг энэ хэвээрээ удаан үргэлжилж байгаад маш их унтууцаж дургүй хүрж байна. Өөрөө өөртөө хоол хийж, хийсэн хоолоо байнга идэхээс залхуу ч хүрэх шиг. 

GG нь байна оо 2

За тэгэхээр GG нь байна оо тэмдэглэлээ бичсэнээс даруй 3н жил өнгөрсөн хэдий ч ганц ч тэмдэглэл дахиж бичилгүй би бээр их сургуулиа төгсөөд худлаа үнэн инжинер гэсэн нэр зүүчээд одоо , магистртаа Токиогийн теxнологийн Институт(Tokyo Institute of Technology)гэдэг сургуульд суралцаж байнаа. Одоо бодоход Иx сургуулийн 4н жилийг арай илүү үр бүтээлтэй өнгөрөөдөг байж гэж харамсаж байгаа ч гэсэн, хүн болгон л төгсөх дөхөхөөр бодогддог бодлуудын нэг болуу гэж бодно. Хөдөө гээд анх очоод байж байхдаа хурдхан л төгсөөд, тэндээсээ явахын түүс байсан хүн яг 4р курсдээ сүүлийнхээ жил бол дасаад, дуртай болчихсон явна гэхээс нэг л эвгүй санагдаад бүх л юм сайхан санагдаад эхэлсэн дээ. За тэгээд төгсөөд яах вэ? гэдэг айдас бас нилээн бэрх даваа байсан шүү. Ажилд ороё гэхээр өөрөө өөртөө суга санагдаад, нэг л чиг баримжаа байхгүй яахаа мэдэхгүй. Юу хүсээд байгаагаа ч мэдэхгүй... Өдийг хүртэл нэг л чин сэтгэлээсээ хүссэн юм байхгүй, урсгалаа дагаад л,осолдохгүй шалгалт энээ тэрт бэлдэсхийгээ л тэгэсхийгээд яваад ирсний гай юу л гэлтэй. Тэгээд яахав сугаа мэдэрсэн хүн үргэлжлүүлж сурахаар шийдээд шинэ сургуульд орлоо. Бүх юм тэс өөр, шинэ орчин... Ер нь ажаад байхад аль ч хүн цөөтэй газар хүн арай л уужуу тайван амгалан байдаг юм шигээ. Өмнө нь байсан хөдөө газар бол ерөнхийдээ их сургуулийн оюутнууд тэгээд ихэвчлэн өндөр настай хүмүүс олон бөгөөд бүгд их эелдэг байждээ гэж санагдав. Их сургуулийн багш нар хүртэл, оюутнууд ч гэсэн ер нь сайхан зантай, уужуу хүмүүс олон байж. Харин одоо Токио гэдэг их хотод ер нь инээмсэглэж яваа хүнтэй таарах нь ховор. Их сургуулийн хувьд ч гэсэн бүгд ажил, судалгаандаа дарагдаад идэхдээ унтахдаа бүх л үедээ судалгаанийхаа ажлаа бодож яриж байгаа нь нэг бодлын тэгж байж амжилтанд хүрдэг байх гэж бодогдох ч нөгөө бодлын арай л дэндүү туйлширсан гэмээр ч харагдах... Ямар сайндаа л лабортоо суухаар бөөн стресс санагдаад ингэж гарч ирээд блог бичээд сууж байхав.. За тэгээд 4 жил тэтгэлэг авч сурангаа давхар цагын ажил хийдэг байсан ч мөнгө бол хадгалсангүй ээ... Бас нэг харамсал хэхэ... Мөнгө бол ер нь их бага хамаагүй хүн ( би ) байгаараа л зарцуулдаг эд юм байна гэдэг дүгнэлтэнд хүрсэн. Илүү бол гарахгүй, гаргахгүй эд юм байна лээ. Одоо бол тэтгэлэггүй ч гэсэн цагын ажил хийгээд, өдрийн хоолоо савлаж авч явах, илүү дутуу чихэр жимсэнд огт үрэхгүй гэх мэт хэмнэлттэйгээр амьдраад болоод л байна. Гол нь судалгаа хийж эхлэхэд их цаг зарцуулдаг тул цагын ажил хийх цаг зай байхнуу гэдэг л асуудал болох байх... Гэхдээ тэгээд болно доо гээд л байж байдаг нь Монгол хүний зан юм болов уу даа. За тэгээд ангийн андууд одоо бүгд төгсөөд ажилд ороод, гэр бүлтэй болох нь болоод бүгд том хүн болсон байхаа. Хаана, юу хийж явааг мэдэхгүй ч энийг уншсан нь ганц хэдэн үг шидэлцэж, хоорондоо холбоотой байвал олон хүн баярлах бизээ...

Motivation for myself

Блог дээрээ байтугай цаасан дээр ч өөрөө өөртөө зориулж тэмдэглэл бичихээ болиод уджээ. Урьд нь би ангийнхандаа зориулж энэхүү блогийг Гэрлээтэй нээж ангийн холбогдолтой хичээл, даалгавар, мэдээ, зураг, зар гээд ангитай холбоотой юу л байна бүгдийг нь оруулахыг хичээдэг байсан. Ангийнхан ч идэвхтэй байхаар урамтай ч гэж жигтэйхэн.

Аа тэгээд 11р ангиа төгсөөд бүгд өөр өөрийн мөрийг хөөж бас 2009 оноос фэйсбүүк гэж гарч ирснээр хүмүүс зугаалгаар явсан зургаа үзэх гэж, хэн нэгнийхээ бичсэн зүйлийг унших гэж блогруу орж ирэх нь ч багасч, бичдэг байсан хүмүүс ч фэйсбүүк зэрэгт сатаараад алга болсон байгаа юм. За тэр ч яахав, хамаг буруугаа фэйсбүүкрүү өгөөд байгаа юм биш л дээ. Зүгээр нэг шалтаг л байх.





Яагаад би өнөөдөр бичихээр шийдсэн бэ гэвэл, би өөрөө өөртөө эргэн тойронд минь юу болоод байгааг, би өөрөө юуны төлөө яваад байгааагааа, миний ойрын зорилго юу юм, би одоо юу хийх ёстой юм гээд хааяадаа нэг бодчихоод тэгээд л тэр бодол минь удалгүй л замхран алга болно. Харин тэдгээр бодлуудаа цаасан дээр буулгаад, анхаарлаа төвлөрүүлж байгаад хүнд ярихад биш юм гэхэд уншихад утгатай байхаар цэгцлээд эмхлээд буулгачихвал өөрт маш хэрэгтэй юм байдаг юм байна гэж бодлоо. Хүн хүн адилгүй л байх. Над шиг өөрийнхөө зорилгыг замынхаа талаас мартчихдаг эсвэл хүч хүрэхгүйнээ гээд хаячих хандлагатай хүнд үүнээс өөр тустай юм гэж байхгүй юм шиг санагдаж байна даа. 

Донтох нь

Та нар facebook т донтож байна уу? Хэр их цагийг нүүрний номдоо өнгөрөөж байна? Өдөр бүр үзмээр, шалгамаар хармаар санагдаж байна уу? Зүгээр сууж чадахгүй facebook гээч юм нь бодогдоод, одоо бүр амар зүгээр утаснаасаа дуртай газраа үзэж болчихдог болсон болохоор гар чинь хуруунууд чинь юм л бол facebook рүү гүйгээд байна уу? Яг тэгж байгаа биз. Тэгээд байгаа биз. Одоо бүр facebook ч биш дээрээс нь инстаграм гээд юм гараад ирсэн, нөгөөхийг чинь бас байнга шалгаастай. Тэр нь ердөө л таньдаг таньдаггүй хэдэн хүний чинь зурагнууд байдаг.

Бас өөрийнхөө зургийг хийчихээд хэн хаана юу гэх нь үү гээд харнаа. Нэг талаараа дэлхийг хавтгайруулаад, хаа байсан ертөнцийн нөгөө талд байгаа хүнийг холбоод өнөөдөр идсэн хоол, өмссөн хувцас, харсан юм, хэлсэн үг, уншсан үг, уулзсан хүн, унтсан газар бүх л юмийг нь хормын төдийд мэдэх боломжтой нь сайхан юм өө сайхан юм. Удаан уулзахгүй байж байгаад нүүрээрээ уулзалдахад аан чи зурган дээрээ яг л ийм байсан, тэр постлосон байсан юм чинь гэж яриад л ярианы сэдэв мундахгүй амар юмөө амар юм. Зөвхөн зураг хардаг энэ 2 т ч донтоод байгаа юм бишээ, дээрээс нь youtube, twitter гээд бүгд л орно.

Гэхдээ нөгөө талаараа ёстой амьдралыг хавтгайруулж байна шт. Муухай зуршил болсон байгаа байхгүй юу. Өглөө сэрээд л харна, уншна, юу ч байхгүй байхад дахин дахин орж үзээд л, ёс той нэг бүтэхгүй. Юмыг тохируулаад хэрэглээд яваад сурчихвал ч уг нь зүгээр л эддээ. Одоо ер нь больноо. Бид ингэж донтож байх хооронд тэнд facebook маань ашиг орлогыг бол аймаар олж байгаа юм, Америкт компьютерээр сурдаг олон залуус л лав facebook т ажиллаж үзэхийг мөрөөддөг байх, аргагүй дээ. Ажилчдаа шалгаруулж авахдаа ч маш нарийн, хамгийн чадварлаг гэсэн хүмүүсийг авж байна. Саяхан гэхэд WhatssApp гэдэг апп ийг 19 тэрбум доллараар худалдаж авлаа гэнэ шүү. Бүхэл бүтэн 19 тэрбум байхдаа яахав дээ. Гэхдээ бас энэ нь цаанаа мэдээж хэрэг бодлоготой л юм гэнэ. Сонирхвол эндээс уншаарай. Тэр нь яадаг юм юм гээд би хүртэл утсандаа суулгаад үзлээ. Зүгээр л нэг апп найзуудтайгаа чатладаг. Бидний цагаа үрж зүгээр л донтож байгаа юмыг ашиглаад хүмүүс их овжин байна шүү.

Үе үеэрээ өөрчлөгдөөд л байна даа. 20 р зуунд хүмүүс юунд донтдог байсан бэ тэрийг нь ямар хүмүүс олж хараад баяжиж байсан бэ? 21 р зуун технологийн эрин зуун гээд байгаа, хүмүүс энэ янз бүрийн утас, апп зэрэгт донтож байна. Аймаар донтуулж байна. Би ер нь тэгж байгаад өөр гоё донтуулдаг сайт, апп олж эндээ хуваалцнаа. Гэхдээ өөр гоё, өөрт мэдлэг өгж донтуулдаг тийм апп. ᠄)

Winter break 2013

Би өвлийн амралтынхаа талаар бичихээр шийдлээ. Энэ жилийн өвлийн амралт маань 12 сарын 19 нөөс 1 сарын 21 хүртэл үргэлжилсэн юм. Монгол гэртээ харилгүй 1 жил гаран болсон, бас пасспортны ажил зэрэг шалтгаанаар монголдоо очихоор шийдэж 10 сард хамгийн хямд онгоцны билет хайж олж Туркиш Айрлайнаар явах онгоцны билет 1500 орчим ам. доллараар худалдаж авлаа. Энэ жил 7 сарын сүүлээс эхлээд төгрөгийн ханш тун их унаж 1700 д хүрэв. Тэр үедээ мэргэжилтнүүд 12 сарын сүүлээр тогтоно 1600 хавьцаа байна гэж ярьж байлаа.
Гэхдээ яг одоо буюу 2014 оны 2 сарын 4 ний байдлаар бол хэд байгааг харах гэсэн Монгол банкны вэбсайт нь ачааллаж дуусдаггүй ээ.

За тэгээд удаан хариагүй, гэрээ санасан хүн өвөл харьж гэрийнхэнтэйгээ шинэ оноо угтана гээд бөөн догдлол. Гэхдээ хичээлээ бас хажуугаар нь санаа тавиад завгүй байсаар нэг л мэдэхэд хичээл дуусаад явах боллоо доо.

Тэгээд л Нью-Йорк хотоос Истанбулруу 10 цаг нисээд тэндээ 2 цаг байсны дараа Улаанбаатарын чиглэлийн онгоцондоо сууж бас дундаа Бишкек дээр зогсон 8 цаг ниссээр Улаанбаатарт газардав.

Хайрт ээж, аав, дүү нар маань тосож авж тэднийгаа харан хамтдаа гэрлүүгээ явах үнэхээрийн сайхан мэдрэмж төрж байсан. Ядарснаа мартаад л хэсэгтээ ёстой юм үзээгүй юм шиг л бүлтийн, хүнтэй юм яриагүй юм шиг л ярьж явав.

Гайхалтай нь би яг одоо ингээд блогоо хөтлөөд юмаа бичих гэсэх хуруу гар чилээд, үг үсэг эвлэж өгөхгүй үнэхээрийн залхуурлын байдалд шилжиж ирж байна. Магадгүй би дараа нь үргэлжлүүлье даа.

Үргэлжлэл бий гэдэг шиг.